Foshnja dy muajshe nga Manastiri ka rezultuar pozitiv me koronavirus
Një foshnje dy muajshe është personi më i ri i Manastirit i infektuar me koronavirus. Sipas të dhënave nga Ministria e Shëndetësisë, foshnja u infektua nga një anëtar i afërt i familjes, pra nga gjyshja.
Nga atje ata shtojnë se në familjen e afërt të foshnjës, nëna është gjithashtu pozitive me Covid-19. Foshnja aktualisht është nën mbikëqyrjen e një pediatri, me një pasqyrë të lehtë klinike. Në gusht poashtu një foshnjë tre muajshe ishte infektuar dhe arriti ta mposhtë virusin.
