“Heart attack” i Loredanës dhe Noizyt kopjohet nga këngëtari serb

“Heart attack” i Loredana Zefit dhe Rigels Rajkut i njohur gjerësisht si Noizy, u kthye në një sensacion verën që lamë pas.

Padyshim konsiderohet një hit, pasi pas 4 muajsh kënga numëron afro 40 milion klikime në platformën “Youtube”.

Mirëpo së fundmi iconstyle.al ka vënë re se bashkëpunimi i reperave të njohur shqiptar është kopjuar nga një youtube-r serb. Ky i fundit emri i të cilit është Bogdan Ilic, por që njihet me nofkën Baka Prase është shumë i njohur në rrjetet e tij sociale, ku në Instagram numëron mbi 1 milion ndjekës. Bogdan së fundmi ka lançuar një “diss track” drejtuar një prej njerëzve më të pasur në Serbi, Zejlko Mitrovic. Kënga titullohet “MPQRS”, vija muzikore e të cilës është e njejta me atë të “Heart attack” të Loredanës dhe Noizyt.