Intervista e Harry-t dhe Meghan Markle-s me gazetaren Oprah Winfrey tronditi mbarë botën dhe sidomos Pallatin Mbretëror. Dyshja nxorri në dritë prapaskenat e errëta të Pallatit, që askush s’i kishte ditur më herët.
Së fundmi kjo intervistë kaq e bujshme është nominuar për një çmim ‘Emmy’. Duka dhe Dukesha e Sussex-it mund të marrin në shtëpi një trofe për rrëfimin e tyre.
Intervista me titull “Oprah with Meghan & Harry: A Special CBS Primetime” është nominuar në kategorinë “Seria e Çuditshme e Jetëshkrimit të Famshëm ose Kategoria Speciale” në Emmy Awards 2021.
Fituesit do të shpallen në edicioni e 73-të të Emmy-s më 19 shtator, ndërsa në njëjtën kategori janë nominuar “Stanley Tucci: Searching For Italy” dhe “My Next Guest Needs No Introduction With David Letterman”.
Meghan dhe Harry kanë folur pa dorashka, duke vendosur në tension familjen mbretërore prej të cilëve s’kemi ende asnjë reagim.
