Kjo gjendje e fshehur shëndetësore mund t’ju bëjë të lodhur, të shëndoshë dhe në depresion

Rreth një në dhjetë njerëz kanë një gjëndër tiroide joaktive, e cila mund të çojë në një atak fatal në zemër, kanë gjetur studiuesit në Universitetin e Aberdeen.

Megjithatë, shumica e pacientëve me probleme të tiroides mbeten të padiagnostikuar për katër deri në pesë vjet, kohë në të cilën ata vërejnë lodhjen e tyre, shtimin në peshë dhe simptomat e shëndetit mendor duke u përkeqësuar.

Dr Avinash Hari Narayanan, nga Laboratori Mjekësor i Londrës, thotë: “Deri në 10 për qind e njerëzve ka të ngjarë të vuajnë nga një tiroide joaktive. Studimi tregon se mund të duhen katër deri në pesë vjet që njerëzit të diagnostikohen me këtë gjendje potencialisht vdekjeprurëse.

Shqetësues i veçantë është fakti se 25 për qind e njerëzve mbi moshën 65 vjeç kanë tiroidit – ënjtje e gjëndrës tiroide që mund të çojë në nivele anormale të larta ose të ulëta të hormoneve tiroide në gjak – duke nënvizuar cenueshmërinë e njerëzve të moshuar.

Një tiroide joaktive – e njohur mjekësisht si hipotiroidizëm – është kur gjëndra juaj tiroide nuk prodhon mjaftueshëm hormone.

Simptomat kryesore janë lodhja, shtimi në peshë dhe ndjenja e depresionit. Shenja të tjera përfshijnë lëkurën e thatë, rrallimin e flokëve, intolerancën ndaj të ftohtit, cikle të rënda menstruale, ulje të fertilitetit, humbje të kujtesës dhe përqendrim të dobët.