LOE: Në 30 vitet e fundit kompanitë gjithnjë kanë përjetua kriza

Kryetari i Lidhjes së Odave Ekonomike (LOE), Trajan Angellovski i ftuar në “Magazina Ekonomike” deklaroi se në 30 vitet e fundit kompanitë maqedonase janë nën një goditje permanente të krizave dhe problemeve dhe punojnë në regjim të mbijetesës, shkruan Alsat.

“Duke pas parasysh gjendjen që po na ndodh në 30 vitet e fundit, mund të them se kompanitë maqedonase, në rast se diçka kanë mësuar, ajo është se janë mësuar të jenë mjeshtër të mbijetesës në kushte krize. Të gjitha krizat që na përfshinë, qoftë luftë, qoftë shëndetësore apo energjetike, embargo e kështu me radhë, na kanë mësuar se në mënyrë më të shpejtë ta përjetojmë atë periudhë kohore”, tha Angellovski. /Alsat.mk