Meta dhe Google akuzohen për kufizimin e informacionit të shëndetit riprodhues
Fraza të tilla si "opsionet e shtatzënisë" janë shënuar si shkelje e udhëzimeve të komunitetit të Google, pretendon dega e Gana e MSI
Gjigantët e teknologjisë Meta dhe Google janë akuzuar në një raport nga dy OJQ ndërkombëtare për fshehje të informacionit mbi abortin dhe kujdesin shëndetësor riprodhues në të gjithë Afrikën, Amerikën Latine dhe Azinë.
Një raport nga organizata ndërkombëtare MSI Reproductive Choices dhe Qendra për Luftimin e Urrejtjes Dixhitale zbuloi se platformat kufizojnë reklamat për qendrat lokale të abortit, fshijnë postimet kontraceptive dhe nuk parandalojnë dezinformatat në mediat sociale.
MSI, e cila ofron shërbime të abortit dhe kontracepsionit në 37 vende, tha se Meta kishte refuzuar ose hequr reklamat e saj që përmbanin informacione për shëndetin seksual, duke përfshirë këshilla për kancerin, raporton Guardian.
Fraza të tilla si “opsionet e shtatzënisë” janë shënuar si shkelje e udhëzimeve të komunitetit të Google, pretendon dega e Gana e MSI.
Ekipi i MSI në Vietnam tha se reklamat që promovojnë informacione rreth IUD-ve dhe metodave të tjera kontraceptive janë hequr nga Facebook.
Menaxherja e marketingut global në MSI Whitney Chinogwenya tha se shumë gra në Afrikë marrin informacion për shëndetin riprodhues në Facebook dhe organizata ka vështirësi t’u sigurojë atyre informacion të besueshëm.
“Ne mbulojmë gjithçka, nga menopauza te menstruacionet, por zbulojmë se e gjithë përmbajtja jonë është e censuruar”, tha Chinogwenya, duke shtuar se Metta nuk po bën mjaftueshëm për të luftuar dezinformimin rreth abortit.
Ajo tha se Meta e shikon përmbajtjen e shëndetit riprodhues përmes një “thjerrëzash amerikane”, duke aplikuar vlera shoqërore konservatore amerikane për postimet në vende me politikë progresive si Afrika e Jugut, ku aborti sipas kërkesës është i ligjshëm në 20 javët e para të shtatzënisë.
