Mickoski për Sofjen: VMRO-DPMNE nuk do ta respektojë marrëveshjen e njëanshme të nënshkruar me Zaevin

Lideri i VMRO DPMNE, Hristijan Mickoski, në emisionin “Rruga Drejt” në Alsat i ka dërguar mesazh presidentit dhe qeverisë bullgare se një marrëveshje e mundshme që do të nënshkruhet nga Zoran Zaev, nuk do ta respektojnë.

“Mesazhi im edhe për Radevin dhe për qeverinë bullgare është se kjo marrëveshje e njëanshme, e nënshkruar nga një refugjat politik si Zoran Zaev, qeveria e re e VMRO-DPMNE-së, nuk synon ta respektojë. Sepse as nuk merr pjesë e as e di se si është. Ata duhet ta dinë se ne nuk kemi ndërmend ta respektojmë”, tha Mickoski.