Алијанса за Албанците бара министри, заменици, УЈП, Царина, ФЗО, инспекторати…

Втор ден по ред преговарачките групи на СДСМ и Алијанса за Албанците разговараат за кадровските решенија кои ќе ја претставуваат партијата на Арбен Таравари на власта. Ова го потврдуваат и од самата партија, иако нема официјални податоци за кои места се преговара.

„Работните групи работат со висок интензитет на завршување на сите прашања кои се на маса. Има договори, има приближувања, има и несогласувања за некои прашања, но преговорите продолжуваат додека не се затворат сите теми“, велат од Алијанса за Албанците.

Откако групите ќе се договорат, наредните денови се очекува средба меѓу Ковачевски и Таравари. Неофицијално, како што претходно информираше Алсат, преговорите се водат главно за министерствата за правда и здравство. Евентуално, ако Алтернатива се откаже од власта, Алијанса ќе ги побара Екологија или Министерството за информатичко општество. Ако не успеат да го добијат здравство, Алијанса инсистира на Министерството за труд.

 Кадровски преговори

Министерство за правда

Министерство за здравство или Министерство за труд и социјала (без Алтернатива)

Министерство за екологија или Министерство за информатичко општество

Позициите на заменици-министри кои се на преговарачка маса зависат од министерствата што ќе ги добијат, но разговорите главно се водат за заменик-министер за одбрана, за внатрешни работи и за труд и социјала. Во фокусот е и барањето за управување со Инспекторатите за труд и за образование. Алијанса ги сака Фондот за пензиско, Фондот за здравство или МЕПСО и води преговори за заменик-директор во Царината или во УЈП.

Кадровски преговори

Заменик-министер за одбрана

Заменик-министер за внатрешни работи

Заменик-министер за труд и социјална политика

Инспекторат за труд

Просветен инспекторат

Пензиски фонд

Фонд за здравство или

МЕПСО

Заменик-директор на Царина или

Заменик-директор на УЈП

Според неофицијални извори, Алијанса би сакала Алтернатива да не ја напушти власта. Главниот инструмент на кој партијата на Таравари ги фокусираше разговорите е изнаоѓање механизам за борба против корупцијата. Засега нема јасно даден рок од ниту една страна кога преговорите би требало да завршат./Алсат.мк

Фатлуме Дервиши