БЕСА: Изјавата на Бујар Османи за ЕУРОВИА е скандалозна

Движењето БЕСА ја нарекува скандалозна изјавата на министерот Бујар Османи дека не знаел дека компанијата „Евровиа“ е донатор на ДУИ. Од оваа партија велат дека е очигледна деловната поврзаност на ДУИ со фирмата што го доби тендерот од МНР и тоа јасно го докажуваат приходите на компанијата во последните години. БЕСА бара ДУИ да одговори дали останува на власт да ги штити граѓаните или да ги штити кланските интереси. (Изјава)

„Затоа ние како БЕСА ги повикуваме сите надлежни органи, почнувајќи од Јавното обвинителство, Антикорупциската комисија и Државната ревизија, веднаш да започнат со детално испитување на тендерската документација за да се открие вистината како точно од сите фирми кои се пријавиле на тендерот дошло до тоа тендерот од 1,8 милиони евра да го добие фирма-донатор на ДУИ“, изјави Хасим Муртезани, Движење БЕСА. /Alsat.mk