Бугарското Собрание одобри кревање на ветото

Со 170 гласови „за“ бугарското Собрание го усвои францускиот предлог за надминување на спорот меѓу Скопје и Софија, со одредени предлог-измени на текстовите на преговарачкиот процес. Собранието го ополномошти премиерот на државата Кирил Петков да го крене ветото за преговарачката рамка за Македонија. Со оваа одлука и министерката за надворешни работи во оставка Теодора Генчовска има зелено светло во име на МНР да го потпише билатералниот Протокол, кој двете земји допрва се очекува да го склучат.