Чекајќи термин за тестирање оздравеал од корона

На врвот на пандемијата, тешко е да се најде слободен термин за тестирање за Ковид-19. Дел од граѓаните велат дека ги имале сите симптоми на коронавирусот, па дури и оздравеле без да можат да бидат дијагностицирани. Бесим Мифтари вели дека од рентген на белите дробови докторот открил дека нема обична пневмонија, па затоа бил принуден да прима анти-ковид терапија.

„Многу лошо искуство што сакам да го заборавам. Се излекував дома, ме лекуваа лекари и главно се излекував со домашни лекови и терапија препорачана од лекарите на Клиниката за инфективни болести. Побарав да ме тестираат ми рекоа дека нема слободен термин за тестирање, и тогаш помислив дека не е важно да излезам позитивен или негативен, туку да оздравам. Верувам дека ова треба да биде приоритет за секој од нас“, вели Мифтари.

Од Министерството за здравство велат дека се свесни за многу вакви случаи, па затоа го зголемиле интензитетот на тестирање и закажување термини. Министерот Филипче рече дека покрај 13-те илјади брзи тестови што се користат, во процес на снабдување се и нови преку Светска банка. Овие нови тестови, шефот на здравството, рече дека наскоро ќе стигнат до сите центри каде што се вршат тестовите.

Од почетокот на пандемијата, извршени се над 286 илјади тестови, од кои 15,6% биле позитивни. Само во петокот, извршени се над 3.000 тестови во 15 јавни и приватни лаборатории. До крајот на септември, во просек, имаше по околу 1.000 тестови на ден. Иако во есенскиот бран оваа бројка е тројно зголемена, таа не успева да ја задоволи побарувачката на граѓаните за дијагностицирање на коронавирус. Загрижувачки е зголемувањето на бројот на починати меѓу 20-25 секој ден. Досега  вкупно починаа 1.263 пациенти.

Аднан Ќаили