ДИК ги соопшти резултатите од локалните избори во Дебар

Хекуран Дука победи на изборите во вториот круг за општина Дебар.

ДИК ги објави првите официјални резултати според кои разликата меѓу Дука од ДУИ и противкандидатот Беким Поцеста од Алијанса за Албанците и Алтернатива е 138 гласа.

Право на глас имаа вкупно 19.211 гласачи, а излезноста беше 44,92% или 8.622 гласачи.

ДУИ прогласи победа и славеше на улиците на Дебар. Алијанса за Албанците ги оцени резултатите како неочекувани и најави анализира на записниците. Засега нема информации за евентуални поплаки од нивна страна. Партиите имаат рок од 48 часа од затворањето на избирачките места да поднесат приговори за процесот на гласање и 48 часа за приговори за прибирање на резултатите од нивното објавување.

Фатлуме Дервиши