Хоџа: На граѓаните кои ќе се вратат по 1 септември, а немаат ПЦР тест, ќе им се одреди мерка карантин од 7 дена

„На последната седница Владата на Република Северна Македонија ги усвои измените и дополнувањата на мерките за спречување на ширењето на КОВИД-19. Со овие измени на мерките се дозволува организирање и одржување на спортски натпревари со присуство на публика, настани од културата, работа на ресторани, кафетерии, кладилници, обложувалници, концерти, семинари, работилници и други настани на затворено со 30 проценти од капацитетот на просторот, а на отворено до 50 проценти од капацитетот, со почитување на протоколите и мерките за заштита од КОВИД-19“, рече Хоџа.

„Од тука сакаме да истакнме дека Останува забраната за одржување свадби, родендени и други приватни прослави во затворените делови на угостителските објекти, како и сите други мерки согласно одлуката од 99-та седница според која за влез во угостителски објекти, кафулиња и барови, односно задолжително е поседување, приложување и проверка на еден од следните документи, и тоа:
– Сертификат/потврда за извршена имунизација (вакцинација) односно примена најмалку прва доза вакцина
– Сертификат/потврда за прележан КОВИД-19 во последните 45 дена
Во однос на одлуката за влез на територија на РСМ, од 1 септември 2021 година сакам да потестиме дека задолжително е приложување на еден од следните документи:
– Сертификат/потврда за извршена имунизација (вакцинација), најмалку две дози
– Сертификат/потврда за прележан КОВИД-19 во последните 45 дена, сметајќи од денот на оздравувањето; или
– Медицинска потврда со негативен PCR, не постар од 72 часа“, изјави Муамет Хоџа, портпарол на Владата.

Според портпаролот Хоџа нашите граѓани кои ќе се вратат по 1 септември, а немаат ПЦР тест, или потврди за примена вакцина или за прележан КОВИД-19, ќе се одреди мерка карантин од 7 (седум) дена.

„Дополнително, странските државјани кои транзитираат низ земјата ќе можат да го направат тоа во рок од 5 часа со претходно потпишана изјава на влезот во земјата која ќе треба да ја приложат пред граничната контрола на излезот од државата“, нагласи Хоџа..