Инфектолозите оценуваат дека земјава нема потреба од заострување на мерките

Новинар Еви Шкопи

Кај нас ситуацијата изгледа помирна, во време кога земјите од регионот, но и од Европа се мобилизираат за соочување со новиот сој на корона вирусот. Инфектологот Фадил Цана вели дека тоа е благодарение на колективниот имунитет, а не благодарение на вакцинацијата, бидејќи според него, имунизацијата не била извршена навреме.

„Кои се причините за ваквата состојба, мислам дека затоа што често и првично кога излезе новиот сој, мое мислење е дека сме напредна држава и не навреме вакцинирана. Затоа, можеби и тоа е предноста, за жал морам да го кажам ова во својство на професионалец за да се дојде до таков заклучок. Но, поради недостатоците што ги имаше нашиот здравствен систем, огромното мнозинство од населението во некоја форма имаше зараза од ковид”, вели Фадил Цана- инфектолог

Цана ја поддржува изјавата од пред два дена на министерот Венко Филипче дека за новогодишните празници нема да има заострување, но апелира граѓаните да избегнуваат собири и забави.

„Мерките што требаше да се преземат минатиот месец или минатата година и да се испочитуваат тогаш, очигледно на овој план не успеавме и како резултат на тоа сме во ваква ситуација. Се согласувам со тоа што го изјави, бидејќи во оваа фаза нема потреба од мерки, туку грижа“., рече Фадил Цана- инфектолог

Во последната анализа на Министерството за здравство се наведува дека 67 отсто од позитивните случаи со Ковид, кои биле дијагностицирани од август до средината на декември, биле невакцинирани. 98% од хоспитализираните лица се невакцинирани, додека само 2% од кои моментално се хоспитализирани се целосно вакцинирани. И смртноста, според анализата кај невакцинираните лица е драстично повисока отколку кај лицата имунизирани против Ковид 19.