Незири: Со одложувањето на пописот Македонија докажа дека владеењето на правото не работи

Политичкиот аналитичар Џелал Незири во емисијата „Патот кон …“ на Алсат рече дека одложувањето на пописот уште еднаш потенцира дека во земјава не функционира владеењето на правото, што е една од најголемите забелешки потенцирани во извештајот на Европската комисија. Незири дури потсети дека во 2011 година пописот е откажан со договор меѓу двајца лидери, по што е отворена судска постапка за овој случај.

„Она што го прават политичките партии е нивна работа, да извршат напади и контранапади, но она што е важно е дека земјата мора да го следи и почитува законот. Бидејќи она што се зема како критика во секој извештај на Европската комисија е владеењето на правото, недостаток на владеење на правото и неказнивост. И ние во овој случај со средбата на лидерите Заев – Мицкоски и со обидот да се одложи регистрацијата што правиме? Северна Македонија докажува дека не постои владеење на правото и всушност од друга страна ќе видиме како ќе се одвиваат работите, бидејќи опозицијата предупреди дека ќе го покрене ова прашање во обвинителството, за да види дали ќе има неказнивост или не . Знаеме дека во 2011 година беше отворен случај затоа што пописот беше одложен со договор на двајцата политички лидери. И сега се случи слична ситуација и да видиме како ќе течат овие процеси во судските инстанци “, изјави Незири.