Нуредини за намалување на аерозагадувањето: За жал нема брз лек

Министерот за животна средина, Насер Нуредини, во емисијата „360 Степени“ на Алсат зборуваше за стратегиите што ги имала државата за намалување на аерозагадувањето.

Тој рече дека како држава инвестирале и дале субвенции за помош на граѓаните и намалување на аерозагадувањето, но нагласи дека тоа за жал нема брзо решение, а истовремено потврди дека ќе продолжат да работат во оваа насока.

„Имавме стратегија во нашата држава прво да ја намалиме потрошувачката на енергија и да го промениме начинот на кој ги загреваме домовите, но не само тоа. Овде сакам да изразам дека не загадуваат само куќите, туку и зградите на државата и локалната самоуправа. Ние инвестиравме, дадовме субвенции за инвертери во Скопје, Куманово, Тетово и Битола, така што тоа е мал чекор нормално и локалната власт продолжува да ја субвенционира таа промена. Секогаш сме изразувале дека нашиот начин на управување и намалување на загадувањето на воздухот во нашите градови ќе се промени. За жал, нема брзи резултати, но ќе продолжиме во оваа насока“, рече Нуредини.