Огнената група ја бојкотираше новогодишната прослава во ДУИ

Новогодишниот коктел кој го свика претседателот на ДУИ Ахмети, ја затекна партијата со преполовено раководство. Не учествувааше потпретседателот Изет Меџити, организациониот секретар Блерим Беџети и првиот човек на Чаир, Висар Ганиу. На прашање на Алсат, Меџити рече дека ова е политичка порака за незадоволството што го има групата како резултат на непродолжувањето на отчетноста на извршната власт и неодговорноста за лошите политички резултати. Меџити најави дека оваа неодговорност наскоро ќе се соочи со јавноста.

„Ова е политички сигнал за нашето несогласување од непродолжување на сериозната дебата во највисокото партиско тело, претседателството на ДУИ. Пролонгирањето на конфронтацијата за отчетност на извршната власт и неодговорноста лесно се докажува и истото јавноста ќе има можност да го види“, изјави Изет Меџити, потпретседател на ДУИ.

Меџити заедно со другата пратеничка на ДУИ, Мерита Кочаџику, вчера не беа присутни ниту на годишниот говор на претседателот Стево Пендаровски. Од ДУИ не го коментираа нивното отсуство, а координаторот на пратеничката група Арбер Адеми за медиумите кусо изјави дека Собранието има кворум за говорот на претседателот. Прашањето за отчетноста на министрите на ДУИ, се заборави. По изборот на новите тела и составувањето на извештајот за работата на министрите, партиските тела повторно не заседаваа, а заборавен беше и извештајот кој требаше да го уредуваат Артан Груби, Фатон Ахмети и Изет Меџити. Незадоволството во ДУИ започна по изборот на владиниот кабинет во јули 2020 година, а јавно се декларираше во септември по јавното писмо упатено партиските функционеро, а   во кое се споменуваа неуспесите на извршната власт и неспроведувањето на изборната програма. Ахмети ги свика партиските тела речиси три години по последниот конгрес, но од Огнената група велат дека партиските позиции не се доволни без одговорност на извршната власт и разрешување на министрите со слаби резултати. Последната средба на раководството на ДУИ се одржа на крајот на октомври./Alsat.mk

Адријан Керими