Опозициските партии ја обвинуваат владата дека е неспособна да обезбеди вакцини

Македонија е претпоследна земја во регионот во однос на процесот на имунизација на населението со вакцини против ковид 19. Податоците на платформата за истражување „Нашиот свет во податоците“ (Our World in Data) покажуваат дека кај нас само 9,6% од граѓаните се вакцинирани со две дози вакцини. Овие бројки предизвикаа реакција на опозициските партии, кои доцнењето на имунизацијата го поврзуваат со неспособноста на владата да обезбеди вакцини. Алијанса за Албанците соопшти дека нашите граѓани во отсуство на вакцини одат да се вакцинираат во соседните земји.

„Покрај лошото управување со Ковид 19, Владата СДСМ – ДУИ тотално потфрли во масовната вакцинација на своите граѓани што ги потврди нашите сомневања и предвидувања. Коалицијата Алијанса – Алтернатива бара од Министерството за здравство да ја интензивира дипломатијата за вакцинација и да склучи договор со фармацевтски компании за да обезбеди соодветни количини, а не со посредници што нè тера да се сомневаме во валканите игри на Владата“.

Според податоците на Светската здравствена организација, ширум светот 21,5% од населението примило барем една доза на вакцината против Ковид 19. Поделени се 2,6 милијарди дози на глобално ниво, а 36,1 милиони сега се распоредуваат дневно. СЗО соопшти дека само 0,8% од луѓето во земјите со ниски примања примиле барем една доза вакцина против Ковид 19.

Adnan Qaili