Османи: Ако има прифатлив предлог за решение со Бугарија ќе бидат информирани медиумите и пратениците

Министерот за надворешни работи Бујар Османи, повтори дека останува на искажаниот став дека во случај на взаемно-прифатлив договор со Бугарија, за тоа ќе ги информира јавноста и пратениците.

„Во моментот кога ќе имаме документ, којшто ќе биде прифатлив за двете страни, пред да се даде одобрување од наша страна, ние прво ќе го информираме Собранието и медиумите. Преговарачката рамка треба да ја одобри Собранието, но останатите билатерални прашања, останувам на тоа, дека ќе бидат информирани пратениците, дали на пленарна, дали на Комисија за надворешна политика“, рече Османи.