Половина од скопските деца не се вакцинирани против голема кашлица

Речиси 50 отсто од децата во градинките на територијата на Скопје не се вакцинирани или делумно се вакцинирани со Ди-Те-Пер. Ова го покажуваат податоците на Државниот санитарен и здравствен инспекторат кој врши вонредни контроли во сите јавни и приватни градинки во земјава во рамките на мерките за превенција од ширењето на големата кашлица.

Но, некои родители тврдат дека не си ги вакцинираат децата поради здравствени причини. Мајка на четиригодишно девојче вели дека иако нејзината ќерка има потврда дека не смее да се вакцинира, денеска не била примена во градинка.

„Исто така, има потврда од лекарката дека девојчето има анафилактична реакција, дека не може да прима вакцини до одредена возраст, може да има 8-10 години, не смеам да го вакцинирам детето. Но, овие овде во инспекторат ниту сакаат да слушаат, ниту слушаат дека сакате решение, ниту ви нудат избор. Не доаѓам само за да отворам врата, денеска го пропуштив работниот ден бидејќи во 10 часот навечер се јавија од градинка – не смеете да ги донесете децата, не знам зошто кога ги имам сите документи“, вели еден родител.

Од Инспекторатот велат дека во случаи кога детето не може да ја прими вакцината потребен е документ од лекар специјалист за докажување на состојбата. Документот се доставува во градинката, по што ќе нема да има проблем за прием на детето.

Ајнур Бафќари