Пораз за Надал, Алкараз ја завршува годината на првото место

Шпански тенисер Карлос Алкараз ќе ја заврши 2022 година на врвот на светската ранг листа. Иако не игра на АТП финалниот турнир кој се одржува во Торино бидејќи е повреден, тој утрово доби добри вести.

Единствениот кој можеше да му го украде местото беше Рафаел Надал, но 22-кратниот победник на гренд слем турнирите, е елиминиран од натпреварувањето. Надал беше поразен со 2-0 (6-3, 6-4) од канаѓанецот Феликс Огер-Алиасиме, со што го претрпе вториот последователен пораз во 48 часа во групната фаза.

Така, елиминацијата на Надал и официјално му дава на Алкараз врвот на светската ранг-листа за оваа година. 19-годишната тенисер е на врвот на АТП листата, после триумфот на УС Опен во септември, а ниту еден ривал не може да го преземе до јануари, кога почнуваат првите турнири во новата сезона.