Состанок во ДУИ: Ревизија на работата на министрите и градоначалниците

ДУИ во сабота го одржува следниот состанок за отчетност. Како што се дознава, средбата е свикана во 14 часот, а на неа ќе стане збор за ревизија на последниот извештај за работата на министрите на  ДУИ.

Додека АА ги продолжува преговорите за да стане дел од Владата, извори од „Огнената група“ во ДУИ велат дека групата е против ваков чекор -проширување на мнозинството, бидејќи според нив тоа се прави за да се замолчат другите во партијата на Али Ахмети.

На прашањето дали овој чекор на АА ја неутрализира „Огнената група“, од таму велат дека напротив, ваквиот чекор уште повеќе би ја засилила внатрепартиската војна.

На последната средба министрите дадоа  отчет за нивната работа, додека првиот човек на партијата уредувањето на извештајот им го довери на Артан Грубит, Фатон Ахмети и Изет Меџити. Иако одредени експоненти во ДУИ се изјаснија дека е завршена отчетноста за работата на министрите и замениците министри, „Огнената група“ навести дека се уште не ги расчистиле сметките и дека според нив, неуспехот на министрите ќе биде главна тема на состанокот во сабота.

Од ДУИ официјално соопштија дека на средбата на 19 ноември ќе се разговара за работата на градоначалниците на општините предводени од кадрите на ДУИ./Alsat.mk

Адријан Керими