Топлотен бран во САД, стотини починати

Високите температури предизвикаа голем број смртни случаи во САД. Досега починаа најмалку 200 лица, од кои 116 во Орегон и 78 во државата Вашингтон. Многу од жртвите живееле во објекти кои не биле климатизирани или биле долго време изложени на жештината. Најмладата жртва има 37 години, а најстарата 97. Во меѓувреме, поради високите температури, повеќе од една милијарда морски животни, претежно риби, угинаа на пацифичкиот брег на Канада.