Заев: Очекувам успешни избори со употреба на „фингерпринт“

Премиерот Заев очекува дека во октомври во земјава ќе се спроведат успешни избори со употреба на апарати за скенирање на отисок од прстот. Како што кажа Заев, вчера била изнесена и последната дилема во врска со ваквиот начин на спроведување на изборите.

„Тоа е во ридско-планински места или ако е слаб интернетот и не може да се користи базата, дали гласањето ќе се повтори или ќе се овозможи гласање на стариот начин. Таа дилема треба да ја разрешат работните групи. За нас е прифатливо како ќе одлучат сите, со конечна цел да имаме договор со сите“, рече Заев.