Mozilla ka një mjet të ri për të mbrojtur të dhënat tuaja, por ka një trik!
Mozilla ka gjetur një mënyrë të re për të fituar para – duke lançuar një shërbim të ri të quajtur Monitor Plus
Monitor Plus mund të fshijë automatikisht informacionin personal të përdoruesit, si emrin, adresën aktuale dhe të mëparshme, numrat e telefonit, si dhe informacionin e mundshëm të përdoruesit që shiten në sajte të specializuara ose zbulohen në faqet “hakerimi”.
Mozilla Monitor Plus është një përmirësim i shërbimit falas, i njohur më parë si Firefox Monitor (tani Mozilla Monitor), i cili njofton përdoruesin nëse të dhënat e tij personale janë pjesë e një shkeljeje të të dhënave.
Kompania vëren se më shumë se 10 milionë njerëz janë regjistruar për shërbimin falas. Përdoruesit e shërbimit Mozilla Monitor marrin një skanim falas, për të cilin duhet të japin emrin, shtetin aktual të banimit, datën e lindjes dhe adresën e emailit. Mozilla thotë se i gjithë ky informacion është i koduar dhe se është sasia minimale e informacionit që nevojitet për të marrë rezultatin më të saktë për përdoruesin.
Mozilla Monitor Plus, nga ana tjetër, kushton tetë dollarë në muaj dhe kompania pretendon se mund të heqë të dhënat personale të përdoruesve nga më shumë se 190 faqe që e shesin atë. Me versionin Plus, do të kryhen kontrolle të rregullta mujore të informacionit të përdoruesit.
