Ndërron jetë stilisti italian, Nino Cerruti
Nino Cerruti vdiq të shtunën në moshën 91-vjeçare pas komplikimeve nga një operacion, tha një zëdhënëse e Lanificio Fratelli Cerruti.
Cerruti, i cili lindi në Biella, një nga qendrat kryesore të tekstilit të Italisë, ishte një figurë kyçe në industrinë ndërkombëtare të modës, i respektuar dhe i njohur për elegancën, mirësinë dhe sjelljet e tij.
“Për familjen, bashkëpunëtorët, miqtë dhe menaxhmentin e Lanificio Cerruti dhe për modën italiane sot është një ditë e trishtuar sepse me vdekjen e zotit Nino bota humbet një njeri me talent, një stilist të jashtëzakonshëm, një vizionar përpara kohës dhe një mentor i madh, të cilit shumë u janë borxhli”, tha Lanificio Fratelli Cerruti në një deklaratë.
Koleksioni i tij i parë për meshkuj, Hitman, u shfaq në vitin 1957 dhe u konsiderua revolucionar në veshjet e meshkujve në atë kohë.
Linja e veshjeve për meshkuj Cerruti u lansua në vitin 1967 dhe do të pasohej nga një koleksion veshjesh për femra një vit më vonë.
Në vitet 1980, Cerruti filloi një bashkëpunim me botën e filmit. Nga “Bonnie and Clyde” dhe “Pretty Woman” tek “Basic Instinct”, marka Cerruti dizajnoi rroba për aktorë si Michael Douglas, Jack Nicholson, Tom Hanks, Bruce Ëillis, Sharon Stone, Julia Roberts, Robert Redford, Harrison Ford, Al Pacino ose Jean Paul Belmondo.