Ndryshojnë masat në Mekë

Pelegrinët në Xhaminë e Madhe të Mekës në Arabinë Saudite mund të prekin dhe puthin edhe një herë një nga reliket më të nderuara të Islamit, Gurin e Zi të vendosur në ndërtesën e shenjtë të Qabes.

Gardhi rreth Qabesë që u ngrit në fillim të pandemisë tashmë më në fund është hequr. Fotografitë tregojnë adhuruesit e ngazëllyer që bërtasin për t’u afruar pranë Gurit të Zi.

Barriera, e ngritur për distancimin shoqëror, është hequr pikërisht në kohën e e pelegrinazhit të Umres.

Haxhi është një pelegrinazh në Mekë që myslimanët që janë në gjendje ta kryejnë duhet të paktën një herë në jetën e tyre.

Haxhi i Umres mund të kryhet në çdo kohë të vitit dhe tërheq miliona besimtarë nga e gjithë bota. Pelegrinët mund të vizitojnë gjithashtu qytetin e shenjtë të Medinës.

Arabia Saudite hoqi shumicën e kufizimeve të saj të rrepta Covid-19 në fillim të këtij viti, që do të thoshte se pelegrinazhi i Haxhit muajin e kaluar pothuajse u kthye në normalitet për herë të parë që nga fillimi i pandemisë.

Në vitin 2020, vetëm 1000 njerëz u lejuan të merrnin pjesë në Haxhin, i cili është më i shenjti nga të gjitha pelegrinazhet për myslimanët. Vetëm besimtarët nga Arabia Saudite u lejuan të merrnin pjesë dhe pelegrinët ndërkombëtarë u ndaluan.

Pjesëmarrja u rrit në 60,000 në 2021, dhe në korrik të këtij viti, kishte më shumë se një milion

Në traditën islame, Guri i Zi, i cili është vendosur në cepin lindor të sheshit, besohet se daton që nga koha e Adamit dhe Evës. Ai thuhet se fillimisht ishte i bardhë, por u bë i zi duke marrë mëkatet e atyre që e prekën atë./A2CNN