Në këtë hartë mund të kontrolloni se çfarë klime do të ketë qyteti ku jetoni pas 60 vitesh

Autori i hartës është Matthew Fitzpatrick, një ekolog nga Universiteti i Maryland, dhe për të ai përdori të dhëna nga Paneli Ndërqeveritar për Ndryshimet Klimatike. Krahas parashikimit se çfarë klime do të ketë qyteti ku jetojmë, menjëherë bëhet krahasimi me ndonjë lokalitet tjetër ku tashmë mbizotërojnë kushtet që do të arrijë qyteti ynë në vitin 2080, duke kaluar një ndryshim të ngjashëm.

Sipas parashikimeve, qytetet që janë pjesë e një klime më veriore kontinentale sot do të jenë më të ngjashme me ato që ndodhen shumë më në jug, në rajonet e sotme më të ngrohta. Ose, sipas fjalëve të Fitzpatrick, klima do të bëhet gjithnjë e më shumë e ngjashme më afër ekuatorit. Ky fenomen tashmë është i dukshëm, për shembull, duke krahasuar të dhënat e vitit 2010 me ato të vitit 1950. Ndryshimet më të mëdha deri më tani janë vërejtur në Amerikën e Veriut, Evropë dhe Oqeani.

Harta ofron një mundësi tjetër për parashikime nëse ne si njerëzim mendojmë pak dhe pakësojmë emetimet e gazrave të dëmshëm.