Pas raportit të fundit për kushtet mizore të punonjësve të huaj në Serbi, reagon ashpër Viola Von Cramon
Raportuesja e Parlamentit Evropian për Kosovën, Viola Von Cramon, ka reaguar ashpër pas raportimeve të fundit për trafikim të supozuar të qenieve njerëzore me qëllim të shfrytëzimit për punë në Serbi.
Madje sipas një raporti, afro 500 punëtorë vietnamezë jetojnë dhe punojnë në kantierin e ndërtimit të kompanisë kineze Linglon International Europe d.0.0 në Zrenjanin të Serbisë, transmeton Telegrafi.
Imazhet rrëqethëse sipas saj paraqesin skllavërinë moderne në kufirin e Bashkimit Evropian, e ky postim i saj duket se nuk i pëlqeu edhe aq shumë Serbisë dhe qeverisë së këtij vendi që i replikuan.
“Decent work and human rights must be respected and upheld for all.”
In a common appeal, @ViolavonCramon & many colleagues call on immediate end of modern slavery on the construction of #LingLong factory in Zrenjanin, #Serbia https://t.co/PpmFVObjoy
— Ne Davimo Beograd Global (@nedavimobgd_EN) November 19, 2021
“Plotësisht e papranueshme që Serbia toleron ndërtimin dhe mirëmbajtjen e një fabrike nga ana e një stafi që e përdorin për trafikim me qenie njerëzore – duke i detyruar të njëjtit të punojnë në territorin e Serbisë”, ka shkruar Von Cramon.
Në anën tjetër ministria e Punëve të Jashtme i ka replikuar Von Cramonit – duke pretenduar se akuzat e saj për “skllavëri moderne dhe shfrytëzim e trafikim të qenieve njerëzore, janë një tentim tjetër i saj për ta satanizuar Serbinë”.
I can‘t take this leadership seriously anymore. Instead of apologizing to Vietnamese workers for inhuman conditions (a proper g‘ment would take responsibility for this) they defend human trafficking &modern #slavery by blaming me. Get a grip &start ruling your country @MFASerbia https://t.co/ABAe3Hyon9
— Viola von Cramon (@ViolavonCramon) November 21, 2021
Por ajo nuk u ndal me kaq, iu kundërpërgjigj duke thënë se nuk mund ta marrë më seriozisht lidershipin e atjeshëm. Madje sipas saj, ata në vend se të kërkojnë falje për punonjësit vietnamezë dhe për kushtet çnjerëzore, “ata vendosin të mbrojnë trafikimin me njerëz dhe skllavërinë moderne”.