Plani i rimëkëmbjes rrezikon bllokimin nga shtetet dhe eurodeputetët

Pas një formulimi të vështirë, plani europian i rimëkëmbjes është në qendër të përplasjeve midis eurodeputetëve dhe vendeve anëtare të Bllokut, të cilët akuzojnë reciprokisht njëri-tjetrin për bllokime me rrezik paralizimin e zbatimit të tij, thelbësor për daljen nga kriza.

Pas një samiti maratonë në korrik, 27 vendet anëtare miratuan një plan rimëkëmbjeje prej 750 miliardë eurosh, i mbështetur nga buxheti europian 2021-2027, që po negociohet aktualisht midis Parlamentit, Këshillit (i cili përfaqëson shtetet anëtare) dhe Komisionit ( ekzekutivi) dhe supozohet të fillojë nga zbatimi në janar.

“Pa një marrëveshje të shpejtë midis shteteve dhe eurodeputetëve mbi kornizën buxhetore europiane 2021-2027, rrezikojmë vonimin e planit të rimëkëmbjes”, tha ambasadori gjerman në BE, Michael Clauss.