Princi Philip nuk dëshiron ta festojë 100-vjetorin, por s’mund t’i shpëtojë kësaj dhurate nga mbretëresha Elizabeta

Në muajin qershor të vitit të ardhshëm, Princi Philip do të mbushë plot 100 vite jetë dhe kjo është padyshim një ditë e shënuar për gjithë pallatin mbretëror. Mirëpo, Princi nuk dëshiron të bëjë festë të madhe për ditëlindjen e tij dhe ka kërkuar të mos bëhet asnjë organizim, ashtu siç e do tradita.

Pavarësisht kësaj, Princi Philip nuk mund t’i shpëtojë “dhuratës” nga partnerja e tij, Mbretëresha Elizabeth. Ajo i dorëzon një telegraf urimi secilit person brenda vendit që feston 100-vjetorit dhe kësaj here do t’ia dhurojë partnerit të saj!

Këtë vit, Mbretëresha Elizabeth dhe Princi Philip festuan 73-vjetorin e martesës, teksa ishin të karantinuar në kështjellë për shkak të pandemisë. Kur Elizabeth dhe Philip u martuan, askush nuk do të vinte bast për një të ardhme kaq të ndritur për ta.

Bashkimi i tyre, për të cilin u fol shumë, fillimisht u pengua për shkak se është konsideruar i papërshtatshëm prej faktit që ai ishte i huaj  ishte princ i Greqisë, por për dashuri ai hoqi dorë nga titujt e tij, dhe faktit që motrat e tij ishin martuar me aristokratët afër nazizmit.

73 vjet më vonë, ata shfaqen të lumtur pranë njëri-tjetrit. Ata kanë 4 fëmijë: Carlo , trashëgimtari i fronit, Anna , Andrea dhe Edoardo.