Pritet ndërtimi i tri deponive të mëdha rajonale

Ministria e Financave dhe ajo e Mjedisit në “kërkim të parave”. Qeveria i ka angazhuar të kërkojnë hua nga organizatat ndërkombëtare financiare për të ndërtuar sisteme për menaxhimin e mbeturinave. Por, plani fillestar për numrin e deponive rajonale është ndryshuar. Në vend se pesë të premtuara, do të ndërtohen tri. Ministria e ekologjisë për Alsat është shprehur se në vend të dy deponive në rajonin juglindor dhe Vardar, një do të ndërtohet në rajonin e Pellagonisë dhe një në rajonin Jugperëndimor kurse deponia e tretë do të ndërtohet në Pollog. Këto qendra moderne rajonale të menaxhimit të mbetjeve do të kushtojnë më shumë se 55 milion euro dhe vënia e tyre në funksion do të duhet të mbyllë të gjitha deponitë ilegale në vend, që tani janë mbi 1 mijë. Për këtë synohet të merren hua. Ministria planifikon të marrë hua prej 16.6 milion euro kurse pjesën tjetër të parave gjegjësisht 38.7 milion euro ta marrë si grant përmes Kornizës së Investimeve për Ballkanin Perëndimor. Por, për këtë, së pari duhet të bëhen studime për deponitë rajonale që janë duke u bashkuar kurse për Pollogun pritet vlerësim për ndikimin.

- Advertisment -

Ministria e Ekologjisë:

“Qasja parashikon realizimin e mbledhjes më të mirë, transportimin dhe largimin e mbeturinave, dhe në të njëjtën kohë shtyhet zbatimi i teknologjive të sofistikuara për trajtimin e mbeturinave për fazë të mëvonshme dhe të njëjtat janë përfshirë në studimin e fizibilitetit për rajonin e Pollogut. Shtrirja e projekteve të investuara përfshin ndërtimin e stacioneve të ngarkimit dhe një deponi sanitare në Rusino, në përputhje të plotë me direktivën e BE-së për deponitë dhe ligjet vendore”

Për tri deponitë e reja rajonale, për vitin e ardhshëm është planifikuar të blihen kamionë dhe kontejnerë për mbledhjen e mbeturinave. Vetëm për kamionë dhe kontejnerë të ri vitin e ardhshëm, duhet të investohen 22 milion euro.

Igor Stefanovski

LEXO EDHE:

Back to top button