Pse Europa grumbullon kafe?
Tregtarët po sigurojnë më shumë kafe për Evropën për të shmangur vështirësitë që mund të lindin në fillim të vitit të ardhshëm me hyrjen në fuqi të rregullores kundër shpyllëzimit të Bashkimit Evropian, tha Organizata Ndërkombëtare e Kafes (ICO)
Stoqet në vendet prodhuese janë tharë pasi importuesit nxitojnë dërgesat përpara një ligji të ri që do të ndalojë importet e produkteve bujqësore të prodhuara në tokat e shkatërruara, tha drejtoresha ekzekutive e ICO-së Vanusia Nogueira.
“Importuesit po përshpejtojnë dërgesat sepse ligji ka hapur pyetje të cilave evropianët nuk u janë përgjigjur ende,” tha Nogueira në margjinat e Seminarit Ndërkombëtar të Kafesë 2024 në Santos, Brazil.
“Kush e di nëse do të na pret një surprizë”, shtoi ajo.
Bashkimi Evropian është tregu më i madh i kafesë në botë, dhe prodhuesit janë vendet tropikale. Bashkimi Evropian pritet të sigurojë një përjashtim për një periudhë të caktuar për t’u dhënë kohë vendeve prodhuese dhe tregtarëve që të përgatiten për detyrimet e reja, por kjo nuk është e sigurt, tha përfaqësuesi i shoqatës.
Vende si Brazili, Kolumbia dhe Kosta Rika janë më të përgatitura për ligjin, i cili kërkon që prodhuesit të marrin certifikatën se kafeja nuk prodhohet në tokë të shkatërruar, ndërsa fermerët e vegjël në vendet afrikane do të kenë më shumë probleme, shpjegoi ajo.
