fbpx

Rreth 20 mijë pensionistë nuk do të marrin pensionet në kohë


Rreth 20 mijë pensionistë që kishin llogari në Bankën Eurostandard nuk do të marrin pensionin e tyre me kohë. Afati i fundit për hapjen e një transaksioni të ri në një bankë tjetër mbaroi dje. Kushdo që nuk ka hapur një llogari do të duhet ta bëjë këtë deri në afatet e mëposhtme: 07, 14 ose 25 shtator. Kjo do të thotë ata që nuk arritën të hapnin një llogari të re do ta marrin pensionin e tyre brenda muajit tjetër. Nga Fondi i Sigurimit Pensional thonë se do të ketë pagesa të veçanta përgjatë shtatorit, por u bëjnë thirrje qytetarëve që të nxjerrin sa më shpejt një llogari të re të transaksioneve.

“Deri dje, rreth 30 mijë pensionistë kanë hapur xhirollogari të re në një bankë tjetër. Kanë mbetur edhe 20 mijë pensionistë që duhet të hapin llogari të re. U bëj thirrje të gjithë pensionistëve që kanë pasur llogari në Bankën Eurostandard ose kanë marrë pensionin e tyre përmes Postës së Maqedonisë të hapin llogari të reja bankare sa më shpejt që të jetë e mundur- deklaroi VIZART Shaip Zendeli – Drejtor i Fondit Pensional.

Nga Fondi theksojnë se pensionistët nuk duhet të shkojnë në Fondin Pensional por vetëm ta informojnë bankën e re se ata duan të marrin pension ose ndihmë sociale përmes një llogarie të hapur. Kjo do të thotë që bankat zyrtarisht do ta informojnë Fondin dhe Ministrinë e Punës për ndryshimin e llogarisë, pas së cilës institucionet do të dinë se ku t’i transferojnë paratë. Problemi më i madh mbetet për qytetarët që nuk mund të shkojnë fizikisht në bankë për të hapur llogari të re bankare. Shoqata e Bankave të Maqedonisë nuk ua ka dorëzuar bankave formularët, kështu që tani për tani qytetarët i mbledhin vetë dokumentet në mënyrë që të marrin pensionin ose ndihmën e tyre sociale.

Andrea Çobanova

 

LEXO EDHE:

Back to top button