Rritet numri i personave që vuajnë nga Covid-19, autoritetet apelojnë që të respektohen rekomandimet

Zëdhënësi i Komisionit për Sëmundje Infektive, Zlate Mehmedovic, në një prononcim  tha se për momentin gjendja me Covid-19 nuk është alarmante në vendin tonë dhe nuk ka vend për panik tek qytetarët.

– Duhet të respektohen rregullat e shtëpisë për vizitën në objektet shëndetësore. Vaksinoni të gjithë personat që janë mbi 65 vjeç dhe kanë sëmundje kronike, ata janë në rrezik të shtuar për të zhvilluar një formë të rëndë të sëmundjes ose për të patur një përfundim fatal. Institucionet që tashmë do ta testojnë një pacient me simptomatologji të lehtë, pozitiv për Covid-19, duhet të ofrojnë kushte për izolim, për të vazhduar trajtimin e sëmundjes themelore për të cilën është shtruar në klinikën përkatëse, theksoi Mehmedovic.

Aty ku ka frekuencë të shtuar të njerëzve, duhet të përdoren maska ​​mbrojtëse, si dhe ajrosje të shpeshtë të ambienteve.