Sektori i turizmit kërkon ndihmë: Shteti të na marrë seriozisht!

Nevojitet angazhim më i madh institucional për zgjidhjen e problemeve të turizmit. Punonjësit e turizmit në Emisionin e sotëm Magazina Ekonomike në Alsat i kanë bërë thirrje qeverisë që të krijojë ministri të turizmit. Në këtë mënyrë vendi do të jetë më i përkushtuar ndaj këtij sektori. Duhet të punohet më seriozisht për tërheqjen e turistëve të huaj dhe vendor.

“Vitin e ardhshëm ngritja e një ministrie të turizmit duhet të jetë numër një. Ai mekanizëm do të lëvizë mekanizmin tjetër. Vetëm kjo. Në këtë kontekst, kërkoj ndjesë, por në njësinë e turizmit nuk ka aq energji dhe aq fuqi me një numër të vogël punonjësish për të ngritur diçka më serioze dhe më të madhe”, deklaroi Angel Ivanov – punonjës turistik./Alsat.mk