Shkencëtarët kanë gjetur eshtrat e zogut potencialisht më të madh në historinë e planetit
Shkencëtarët kanë gjetur eshtrat e zogut potencialisht më të madh në historinë e planetit
Shkencëtarët në Australinë qendrore kanë gjetur kocka këmbësh që mund t’i përkasin zogut më të madh në historinë e planetit tonë. Ata shpresojnë të zbulojnë pjesën tjetër të trupit në mënyrë që të mund të bashkojnë pamjen e plotë.
“Dromornis Stirtoni”, me fjalët e paleontologëve, është një “eksperiment ekstrem evolucionar” dhe një lloj përzierjeje tiparesh të ndryshme anatomike.
Sqepi i saj i madh “del” nga një kafkë relativisht e vogël, e cila ndodhet në një lartësi prej tre metrash nga toka dhe së bashku peshon rreth gjysmë ton.
Për t’i bërë gjërat edhe më absurde, këta gjigantë tetë milionë vjeçarë janë në fakt të afërm të pulave dhe rosave të sotme.
A huge moment at #alcoota2022 with the very first articulated -Dromornis stirtoni- leg excavated from Classy Corner. Thankyou @Phoebyornis for scale! #fossilfriday @fupalaeosoc @FlindersPalaeo pic.twitter.com/mJaKvacOtg
— Museum and Art Gallery of the Northern Territory (@MAG_NT) July 22, 2022
Ndonëse nuk ka dyshim se këto “zogj demonësh” janë pesha të rënda në botën e shpendëve, matja e saktë e madhësisë së tyre nga disa kocka nuk do të jetë aspak e lehtë.
Për herë të parë, mbetjet e këtij zogu masiv janë gjetur në pozicionin ku ata ishin pjesë e një zogu të gjallë.
“Kjo do të thotë se kufoma ishte e plotë kur u varros. Ne gjetëm vetëm këmbët sepse arritëm në atë thellësi. Ka shumë të ngjarë që pjesa më e madhe e skeletit, nëse jo i tërë, të mos zbulohet ende”, thotë paleontologu Adam Jetts.
Eshtrat u zbuluan në Rezervën Alcuta, një vend i njohur rreth 190 kilometra në veri-lindje të Alice Springs.
