Spitalet e vendit janë të zhytura në borxhe

Gazetar: Miki Trajkovski

Spitalet e vendit janë të zhytura në borxhe prej rreth 5 miliardë denarë. Sipas drejtuesit të Fondit Shëndetësor, Sasho Klekoski, borxhlinjtë më të mëdhenj janë Qendra Emergjente, Klinika e Onkologjisë dhe Pediatrisë, ndërsa në brendësi të vendit janë spitalet në Ohër, Kumanovë dhe Prilep.

“Ne ende kemi probleme me disa klinika në Shkup ku borxhet janë në një nivel të lartë, ku është më e vështirë të planifikohen nevojat për ilaçe dhe ndërhyrje”, deklaroi Sasho Klekovski – Drejtor i Fondit Shëndetësor.

Në spitalin e Ohrit aktualisht borxhi është 110 milionë denarë.

“Borxhi ishte rreth 170 milion denarë. Nuk mund të thuhet saktësisht sepse ka fatura dhe kosto aktuale që mbërrijnë çdo ditë. Borxhi për momentin është 110 milionë denarë. Borxhet kryesisht janë ndaj kompanive farmaceutike dhe ndaj prokurimeve publike bazë pa të cilat spitali nuk mund të funksionojë ”,tha  Goran Markoski, Drejtor i Spitalit të Përgjithshëm në Ohër.

Ndërkohë kontrolli i jashtëzakonshëm vëri në dukje se parregullsi në punë janë konstatuar në 14 institucione shëndetësore publike, disa prej të cilave kanë punuar në lista të brendshme të çmimeve, në vend të atyre të miratuara nga Fondi Shëndetësor. Te 18 të janë konstatuar parregullsi në lidhje me pagesën e pagave.

“Kemi ende shkelje të shpeshta në marrëdhëniet e punës, ndoshta për shkak të profesionalizmit të pamjaftueshëm të mbështetjes administrative dhe kontabël. Për llogaritjen e pagave, që disa janë në dëm të spitalit, disa të punësuarve. Dy klinika kanë rimbursuar tashmë tepricën e paguar dhe ne po ndjekim të gjitha rastet e tilla dhe insistojmë të bëjmë rimbursim aty ku janë bërë gabime”, deklaroi Sasho Klekovski – Drejtor i Fondit të Sigurimeve Shëndetësore.

Ka pasur edhe raste kur klinikat i kanë borxh njëra-tjetrës.