Taravari: Rroga mesatare do të arrijë në 800 euro

Kandidati për president nga koalicioni VLEN, Arben Taravari gjatë takimit me strukturat e koalicionit në Shkup tha se gjatë mandatit të tij do të angazhohet që rroga mesatare në vend të arrijë në 800 euro.

Tarvari tha se në fokus të mandatit të tij do të jetë edhe parandalimi i migrimit.

“Ekonomia kërkon përgjigje dhe emigrimi gjithashtu kërkon përgjigje. Nuk mund të vazhdohet kështu me qeveri të korruptuar dhe zhvatëse. Na duhet patjetër ndryshim. Për këtë arsye neve si koalicion VLEN duhet të garantojmë rritjen e rrogës mesatare e cila sipas vlerësimeve tona duhet të jetë minimum 800 euro”, tha Arben Taravari, Kandidat për president.