“Target – Fortesa”, dëshmuan gazetarë e avokatë

Hari Kostov, Sllobodan Bogoevski, Zvonko Davidoviq janë pjesë e përgjimeve në “Target – Fortesa”, të cilët në sallën e gjyqit si dëshmitarë treguan sot se si kanë dyshuar, se ishin ndjekur në mënyrë të paligjshme. Drejtori ekzekutiv i Komercijallna Bankës dhe ish kryeministri Hari Kostov ka mësuar zyrtarisht se ai ishte përgjuar nga PSP-ja. Kompensimin do ta kërkojë personalisht nga personi për të cilin gjykata do të përcaktojë, se ai ka dhënë urdhrin për të përgjuar në mënyrë të paligjshme dhe paratë do t’i dhurojë për bamirësi.

“Unë nuk po flisja për dëmet në bankë, por për dëmet ndaj klientëve të bankës të cilët, kur marrin pjesë në ankand, përgjuesi mund të dijë se cila është garancia, për cilën shumë të garancisë bëhet fjalë, dhe të japin një ofertën konkurruese dhe kështu të marrin punë me një dallim të vogël në çmim- deklaroi Hari Kostov, Drejtor Ekzekutiv i Komercijalna Banka.

Ish shefi i inteligjencës Sllobodan Bogoevski, tha se do të kërkojë një milion euro dëmshpërblim, sepse ai kishte qenë shënjestër e përgjimeve të paligjshme për vite me radhë. Ai e kuptoi që po ndiqej nga kolegët e DSK-së.

 “Punonjësit e DSK-së më treguan, sepse e dini unë kam punuar atje tërë jetën time. Në fund, provat materiale që tani i kam marrë janë nga të njëjtët punonjës në DSK- pohoi Slobodan Bogoevski, ish agjent.

Avokati Zvonko Davidoviq dyshonte se ai ishte përgjuar kur ai dhe miqtë e tij u filmuan nga një person i panjohur. Ai zyrtarisht mori një njoftim nga prokurori.

“Në vitin 2009 ose 2010 e kuptova nga prokurorja Lile Stefanova, kur fillova hetimin paraprak të rastit ” Likuidimi “dhe ajo më tha se nuk mund të jem avokat mbrojtës i atij rasti, por do të jem dëshmitari i tyre sepse kishte regjistrime, transkriptime për mua- pohoi Sink  Zvonko Davidoviq, avokat.

Në “Target – Fortesa” dëmshpërblimi më i lartë i kërkuar ishte 3 milion euro. Dëshmoi edhe ish-drejtori i DSK-së, Ljupço Andonovski. Të akuzuar për përgjimin e paligjshëm janë Sasho Mijallkov, Gordana Jankulloska e cila u soll në gjykatë nga burgi i Idrizovës, si dhe i arratisuri Goran Grujevski dhe disa persona të tjerë nga DSK-ja. Sot, Mile Janakieski u paraqit si i dëmtuar në “Target – Fortesa” i cili, përmes avokatëve të tij, theksoi se kishte pasur vuajtje emocionale nga ndjekja.

Bojan Stojanovski