Tre milion denarë për të prekurit nga tërmeti në Izmir nga Qyteti i Shkupit

Këshilli i Qytetit të Shkupit në seancën e sotme të jashtëzakonshme ka sjell vendim për dhënien e ndihmës të të prekurve nga tërmeti në Izmir. Me këtë vendim, në shenjë solidariteti, Qyteti i Shkupit jep ndihmë prej 3 milion denarë, shumë që jepet për të gjitha qytetet për raste të këtilla dhe fatkeqësi të tjera natyrore.

Kryebashkiaku Petre Shilegov në seancën e sotme të Këshillit ka theksuar se Shkupi e di më së miri se çfarë do të thotë solidaritet në kohë të katastrofave dhe sipas tij për këtë është e nevojshme që tu ndihmohet miqve në nevojë.