Trendet globale kanë ulur çmimet e produkteve

Gazetare: Andrea Çobanova

Nga 20 deri në 40 denarë më lirë shiten një pjesë e produkteve për të cilat masat e Qeverisë për çmimet e ngrira ende zgjasin. Domatet në treg mund të blihen për 50 denarë, trangujt për 60, specat 70 denarë dhe limoni për 50 denarë. Tregtarët thonë se çmimet kanë rënë në mënyrë drastike, pasi prodhuesit dhe importuesit po i shesin ato me çmim më të ulët. Vendimet e Qeverisë për të ngrirë çmimet, thonë tregtarët, nuk kanë kontribuar në uljen e çmimit të mallrave.

Stabilizimi i çmimeve dhe ulje të inflacionit ka gjithashtu në vendet fqinje, kryesisht për shkak të kapërcimit të krizës energjetike. Përveç atyre vendore, tregtarët thonë se produktet e importuara në vend janë gjithashtu me çmime të reduktuara.

“Ne kemi mallra të importuar dhe mallra tonë, për shembull, ky që unë shes është nga Strumica, i sjellë këtu nga bahçja – por çmimet nuk janë të shtrenjta, dhe malli i importuar sepse në fund të fundit kanë një çmim më të ulët. Konsumatorët janë të kënaqur, ne gjithashtu shitësit jemi të kënaqur, shitjet shkojnë më shpejt, çdokush mund t’i përballojë t’i blejë me këto çmime më të ulëta”, u shpreh një tregtar.

Çmimet e ngrira janë të vlefshme deri në fund të muajit. Sipas vendimit të fundit të Qeverisë, domatet nuk mund të shiten mbi 95 denarë, specat për 100 denarë, 95 denarë për kilogram tranguj, ndërsa limonët për 60 denarë. Qeveria thotë se po analizon nëse çmimet e ngrira do të shtyhen, sepse nuk pritet një valë e re drastike e shtrenjtimit të çmimeve. /Alsat.mk