Tuna kthehet nga Siria: “Ishte udhëtimi më emotiv në jetën time, tani jam një njeri tjetër”
Tuna Instagram: Kur ka qenë hera e fundit që jemi ndjerë falënderues për jetën që kemi, shtratin ku e shtrijmë kokën çdo natë, tryezat me ushqime…
Udhëtimi në Siri, udhëtimi më emotiv në jetën time, nxiti në mua qindra pyetje dhe hapi dhjetëra dilema për njeriun, për njerëzimin. Përjetova emocione që shkojnë përtej mundësisë për t’i përshkruar me fjalë. Dhembje që të ngjitet për shpirti dhe të trishton, të bën të ndjehesh fajtor për skamjen, trishtimin dhe frikën me të cilën jetojnë çdo ditë. Familje që jeton me ëndrrën: të ketë kulm mbi kokë, një nënkresë ku do ta venin kokën… Sy të pikëlluar fëmijësh nga ngarkesa mbi supet e njoma.
U ktheva e riformësuar. Jam një Tuna tjetër që sapo ka filluar rrugën për të dhënë kontributin minimal që Tiani dhe Zeni të rritet në një botë me më shumë buzëqeshje fëmijësh. Në një botë më të mirë.
Disa ditë më parë, këngëtarja Tuna Sejdiu tregoi se kishte ndërmarrë një nismë humanitare, duke u bërë pjesë e organizatës “For Children Smile”. Bashkë me anëtarët e tjerë, ajo do t’iu vijë në ndihmë fëmijëve në nevojë, fëmijëve të sëmurë, të prekur nga luftërat apo të goditur nga fatkeqësi natyrore. Pasi ka vizituar kampet e refugjatëve sirian në jug të Turqisë, Tuna ka shkruar dhe në Siri, dhe pamjet i ka ndarë edhe me ndjekësit. Në fund të udhëtimit, ajo ka ndarë me ndjekësit e saj këtë eksperiencë duke dhënë dhe një mesazh mjaft me vlerë për të gjithë.
