Ukraina akuzon Rusinë për shkatërrimin e një dige në lumin Dnieper pranë Khersonit

Rusia, sipas autoriteteve ukrainase, hodhi në erë një digë të rëndësishme në lumin Dnieper  në rajonin Kherson të Ukrainës jugore. Autoritetet ukrainase paralajmëruan njerëzit që jetojnë në rrjedhën e poshtme të lumit për rrezikun e përmbytjeve dhe u kërkuan atyre që të përgatiten për evakuim. Sipas Ministrisë së Punëve të Brendshme të Ukrainës, banorët e dhjetë fshatrave dhe pjesëve të qytetit të Khersonit u prekën. Media online “Kyiv Independent” ka postuar në Twitter foto të një dige të shkatërruar dhe përmbytjeve të mëdha.

Ukraine’s Southern Operational Command reported early on June 6 that Russian forces blew up the Kakhovka Hydroelectric Power Plant.

“The scale of the destruction, the speed and volumes of water, and the likely areas of inundation are being clarified,” the military said on their… pic.twitter.com/xIAEivrOTq

— The Kyiv Independent (@KyivIndependent) June 6, 2023

Ukraina: “Një tjetër akt terrorist nga Rusia”

Kreu i administratës ushtarake rajonale të Ukrainës në Kherson, Oleksandr Prokudin, tha në një video të postuar në Telegram se Rusia kishte kryer një tjetër akt terrorist. Ai paralajmëroi se niveli i ujit në Dnieper mund të arrijë një nivel kritik në orët e ardhshme.

Presidenti ukrainas Volodymyr Zelensky thirri një mbledhje urgjente të Këshillit të Sigurisë Kombëtare, njoftoi Sekretari i Këshillit, Oleksiy Danilov në Twitter.

Rusia mohon se është përgjegjëse

Nga ana tjetër, autoritetet pushtuese ruse fajësojnë bombardimet ukrainase për dëmtimin e digës Kakhovka. “Niveli i ujit është rritur,” tha kryetari i emëruar nga Moska i Nova Kakhovka, Vladimir Leontiev, sipas agjencive shtetërore ruse të lajmeve. Megjithatë, sipas tij, për momentin nuk ka nevojë të evakuohen civilët.

Informacioni i dhënë nga të dyja palët ende nuk është konfirmuar nga burime të pavarura. Në tetor të vitit të kaluar, presidenti ukrainas Zelensky akuzoi Rusinë për hedhjen në erë të digës dhe e paralajmëroi atë të mos e hidhte në erë: “Nëse ata e bëjnë këtë, do të ketë një fatkeqësi,” tha Zelensky atëherë. DW