Ushqimet që dëmtojnë mëlçinë më shumë se alkooli
Shumë besojnë se fajtori kryesor për dëmtimin e mëlçisë është alkooli, por ka ushqime që shumë njerëz i konsumojnë shpesh dhe që dëmtojnë edhe më shumë mëlçinë.
Alkooli është vetëm një nga shkaqet e dëmtimit të mëlçisë. Një faktor i madh rreziku për këtë organ shumë të rëndësishëm në trupin tonë janë zakone të shumta të këqija – nga obeziteti dhe marrja e tepërt e sheqerit, te problemet e shkaktuara nga një sasi e tepërt e vitaminës A.
Mëlçia është një organ jetik që kryen më shumë se 500 funksione trupore, duke përfshirë filtrimin e gjakut dhe detoksifikimin e trupit.
Ekspertët veçojnë pesë zakone të këqija që shkatërrojnë mëlçinë:
Shumë sheqer mund të shkaktojë akumulimin e yndyrës në mëlçi, gjë që mund të shkaktojë sëmundje të mëlçisë. Hulumtimet tregojnë se sheqeri mund të jetë i dëmshëm për mëlçinë edhe nëse nuk jeni mbipeshë.
Obeziteti, veçanërisht tek njerëzit e moshës së mesme ose njerëzit me diabet, mund të çojë në akumulimin e yndyrës së tepërt në mëlçi, gjë që mund të çojë në cirrozë të mëlçisë.
Edhe pse vitamina A është e nevojshme për trupin, marrja e dozave të tepërta përmes suplementeve mund të shkaktojë probleme me mëlçinë. Ekspertët rekomandojnë marrjen e vitaminës A përmes frutave dhe perimeve të freskëta.
Përdorimi i tepërt i paracetamolit mund të ketë një efekt negativ në mëlçi. Është e rëndësishme të ndiqni me kujdes udhëzimet e dozimit për të shmangur efektet anësore të mundshme.
Marrja e yndyrave trans duhet të minimizohet sepse ato rrisin nivelin e kolesterolit të keq dhe krijojnë rrezikun e sëmundjeve koronare të zemrës. Një dietë e pasur me yndyrna trans mund të jetë e dëmshme për shëndetin e mëlçisë.
