Vazhdon edhe sot protesta e VMRO-DPMNE-së
VMRO do t’i bllokojë rrugët në Shkup edhe gjatë ditës së sotme. Do të ketë protesta nga ora 15:00 deri në 16:30, përsëri para Ministrisë së Punëve të Jashtme dhe Qeverisë.
Gjatë ditës së djeshme opozita kërkoi dorëheqjet e Kryeministrit Zaev dhe Ministrit të Jashtëm Bujar Osmani. VMRO akuzoi Qeverinë për shitjen e identitetit dhe historisë maqedonase në takimet me palën bullgare. Kreu i partisë, Mickoski, akuzoi Zaevin se para tre viteve ka nënshkruar marrëveshje të cilën tani Sofja po e përdor për të shantazhuar Maqedoninë.
