Vazhdon gjykimi për rastin “Target-Fortesa”
Me prezantimin e dëshmitarëve të rinj sot në Gjykatën Penale Shkup është paraparë të vazhdojë procesi gjyqësor për rastin “Target-Fortesa”. Periudhën e kaluar me përjashtim më 3 nëntor seancat për këtë lëndë u shtynë për shkak të gjendjes shëndetësore të të akuzuarit Sasho Mijallkov, i cili ishte pozitiv ndaj Kovid-19. Në seancën e fundit për lëndën kryesore për përgjim të paligjshëm u prezantuan dëshmi materiale nga ana e prokurorisë.
Procesin gjyqësor e udhëheq gjyqtarja Xheneta Begtoviq, kurse përfaqësues të prokurorisë janë Lençe Risteska, Trajçe Pelivanov dhe Artan Ajro.
Sipas aktakuzës, përmes tre sistemeve për përgjimin e komunikimeve në DSK, në periudhën nga viti 2008 deri në vitin 2015, 4,286 numra telefoni janë monitoruar në mënyrë të kundërligjshme për të cilat nuk janë lëshuar fare urdhëresa gjyqësore.
