Velkovski: Shuma e amendamenteve të paraqitura tejkalon disa buxhete
Shuma e amendamenteve të dorëzuar është mbi 20 miliardë euro, që është një shumë për disa buxhete, thotë Dime Velkovski, përfaqësuesi i LSDM-së në debatin e sotëm mbi buxhetin dhe amendamentet, i cili zhvillohet në emisionin magazina Ekonomike në Alsat. Siç tha ai, disa nga amendamentet nuk mund të pranohen sepse për ta nuk është paraparë zë në buxhet.
Për shembull, kishim amendament nga opozita për teste PCR falas në shëndetin publik. Përgjigja ime ishte se në këtë moment të gjitha testet në shëndetin publik janë falas dhe se ka mjete financiare për atë qëllim, plus, si rezervë, në programin covid, janë vendosur tre miliardë denarë më shumë,” tha Velkovski.
