Zelensky falënderon kryeministrin britanik për raketat me rreze të gjatë veprimi “Storm Shadow”

Presidenti ukrainas Volodymyr Zelensky përmes një postimi në Twitter ka falënderuar kryeministrin britanik Rishi Sunak për raketat e lundrimit me rreze të gjatë.

“Pata një telefonatë me kryeministrin e Mbretërisë së Bashkuar Rishi Sunak. Faleminderit për rritjen e konsiderueshme të aftësive tona me raketat me rreze të gjatë “Storm Shadow” dhe ndihma të tjera të pazëvendësueshme ushtarake”, deklaroi Zelensky në një postim.

“Ne diskutuam për bashkëpunimin e mëtejshëm të mbrojtjes dhe koordinuam pozicionet tona në prag të ngjarjeve të ardhshme ndërkombëtare. Në veçanti, ne kemi nevojë për sinjale të qarta për të ardhmen e Ukrainës me NATO-n”.

Dje, sekretari i mbrojtjes i Mbretërisë së Bashkuar, Ben Wallace, konfirmoi se Mbretëria e Bashkuar do të dërgonte raketa lundrimi me rreze të gjatë.

Zelenskiy pritet të marrë pjesë në samitin e ardhshëm të NATO-s në Vilnius të Lituanisë në korrik, por ka kërkuar në mënyrë të përsëritur hapa më konkretë që Ukraina të bashkohet me aleancën.

Had a phone call with UK Prime Minister @RishiSunak. Thanked for the significant enhancement of our capabilities with long-range Storm Shadow missiles and other irreplaceable military assistance. We discussed further defense cooperation and coordinated our positions on the eve of…

— Володимир Зеленський (@ZelenskyyUa) May 12, 2023