Arrestohet 28 vjeçari nga rrethina e Tetovës, kjo është arsyeja

Sektori për Punë të Brendshme-Tetovë njofton se mbrëmë, paka para mesnate ka privuar nga liria një 28 vjeçar nga rrethina e Tetovës i cili është denoncuar nga babai i tij për sjellje agresive.

“Mbrëmë (21-shtator) rreth orës 23:00 në një fshat të rrethit të Tetovës është privuar nga liria 28-vjeçari A.N. i cili paraprakisht ishte denoncuar nga babai i tij 57-vjeçar, se pasdite është sjellë në mënyrë agresive në shtëpinë e tyre familjare, e ka kërcënuar dhe dëmtuar automjetin e tij Audi. I njëjti është ndaluar në Stacionin Policor të Tetovës për zbardhjen dhe dokumentimin e plotë të rastit, ndërsa ndaj tij do të vijojë procedimi përkatës”, njoftojnë nga SPB-Tetovë.